Қазақстан, Нұр- Сұлтан қаласы, Б.Момышұлы көшесі, 5 +7 7172 70 12 02 Ресепшн

Рухани Жаңғыру

ӘБУ НАСЫР ӘЛ-ФАРАБИ

 

 

Шығыстың ғұлама ойшылы Әбу Насыр әл-Фараби 870 жылы бүгінде Отырар аталатын, Арыс өзенінің Сырға барып құятын сағасындағы Фараб қаласында дүниеге келді (қазіргі Оңтүстік Қазақстан облысындағы Отырар қаласының маңайындағы ортағасырлық қала). Фарабидің толық аты-жөні Әбу-Насыр Мұхаммед Иби Мұхаммед ибн Ұзлағ ибн Тархан Әл-Фараби. Әл-Фараби түрік тайпасының дәулетті бір ортасынан шыққаны бізге мәлім, бұған дәлел оның толық аты жөнінде "Тархан" деген атаудың болуы. Туған жері қазақтың ежелгі қаласы Отырарды арабтар Барба-Фараб деп атап кеткен, осыдан барып ол Әбу Насыр әл-Фараби, яғни Фарабтан шыққан Әбу Насыр атанған. Сол тұста өмір сүргендердің қалдырған жазбаларына қарағанда, Отырар қаласы IX ғасырда тарихи қатынастар мен сауда жолдарының торабындағы аса ірі мәдениет орталығы болған.

Әбу Насыр бала күнінен ғылымға үйір болып өсті, оның бақытына қарай сол заманда Отырарда аса бай кітапхана бар еді. Әл-Фараби парсы, грек тілдерін үйренеді, осы тілде ғылыми трактаттар оқиды. Фараб пен Бұқарада бастапқы білім алған соң әл-Фараби өз білімін жетілдіру мақсатында Бағдатқа аттанады. Фарабидің дүниетанымының қалыптасуына Мерв мектебінің ғылыми дәстүрлері мен философиялық бағдарлары өз әсерін қалдырды. Бағдадта әл-Фараби ғылым мен әртүрлі пәндерді оқиды. Білімге деген құштарлығының арқасында әл-Фараби сол уақыттағы ғылым мен білімнің ордасы саналған Дамаск, Халеб, Каир, Шаш, Самарқан, Бұхара, Мерв, Нишапур, Рей, Хамадан қалаларында да болып, білімін үнемі жетілдірумен болды. Сол қалаларда оқыды, еңбек етті. Шығыстың осы шаһарларында ол өз дәуірінің ең көрнекті ғалымдарымен, көркем сөз деректерімен танысады. Олардан тәлім-тәрбие алады.

Әл-Фараби – көрнекті ойшыл, өзінің замандастарының арасындағы ең ірі ғалым, философ және шығыс аристотелизмінің ең ірі өкілі. Өзінің білімділігі мен сауаттылығының арқасында "Екінші Ұстаз" атауына ие болды. Әл-Фарабидің шығармашылық мұрасы орасан зор (150-ге жуық философиялық және ғылыми трактаттар), ал оның айналысқан ғылыми салалары ол – философия мен логика, саясат пен этика, музыка мен астрономия. Ғылыми еңбектерінің ең әйгілісі "Қайырымды қала тұрғындарының көзқарастары жайлы трактат" деп аталады. Оның атақты “Музыка туралы үлкен трактат” деген шығармасы әлемнің көптеген тілдеріне аударылған.

Әл-Фараби философия саласы бойынша грек ойшылы Аристотельдің "Категориялар", "Метафизика", "Герменевтика", "Риторика", "Поэтика", бірінші және екінші "Аналитика", "Топикасы" және т.б көптеген еңбектеріне түсініктемелер жазды.

Әбу Насырдың Платон және Аристотель философиясындағы идеяларға арналған кітабы оның философия саласындағы аса көрнекті ғалым екенін әрі философия пәнін терең меңгергенін дәлелдейді. Фараби Аристотельдің әлеуметтік-қоғамдық идеяларын дамыта отырып, өз тарапынан да “Кемеңгерлік меруерті”, “Ізгі қала тұрғындарының көзқарасы”, “Мәселелердің түп мазмұны”, “Ғалымдардың шығуы”, “Бақытқа жету”, “Азаматтық саясат”, “Мемлекеттік қайраткерлердің нақыл сөздері” сияқты көптеген сындарлы философиялық еңбектер жазған. Фараби бұл еңбектерде дүние, қоғам, мемлекет, адамдардың қатынастары туралы заманнан озық тұрған пікірлер, пайымдаулар айтады.

Әл-Фарабидің еңбектері күні бүгінге дейін өз мән-маңызын жоғалтқан жоқ. Әл-Фарабидің мемлекет, ел басқару жөніндегі тұжырымдары, әлеуметтік-этикалық саяси көзқарастары бүгінгі қоғам үшін де айрықша маңызды. Оның еңбектері еуропалық Ренессанстың өрлеуіне үлкен ықпал етті. Фараби Шығыс пен Батыстың ғылымы мен ежелгі мәдениетін табыстыруда зор рөл атқарды. 

ӘЛ ФАРАБИ АТЫНДАҒЫ ОҚУШЫЛАР САРАЙЫНДА РУХАНИ ЖАҢҒЫРУ БАҒДАРЛАМАСЫ АЯСЫНДА ЖҮРГІЗІЛГЕН ЖҰМЫСТАР ТУРАЛЫ МӘЛІМЕТ

 

«Менің елім» ақпараттық-виртуалды орталығы

2019 жылдың мамыр айында «Рухани жаңғыру» бағдарламасы мен «Ұлы даланың жеті қыры» бағдарламалық мақалаларында жүктелген міндеттерді жүзеге асыру мақсатында «Туған жер» арнайы жобасы аясында «Менің елім» ақпараттық-виртуалды орталығы ашылды

Орталықтың бөлімдері:

«Ұлы даланың жеті қыры» бөлімі.

 «Абай әлемі» бөлімі

 «Рухани жаңғыру» бөлімі

«Қасиетті Қазақстан» бөлімі

 «Мәңгілік ел» бөлімі

 «Менің мамандығым» виртуалды бөлімі.

 «Менің Елім» ақпараттық виртуалды орталығы қазіргі заман талабына сай технологиялармен жабдықталған. Орталыққа келген балалар әрбір бөлімдер бойынша виртуалды көзілдіріктер мен арнайы бағдарламалық смартфондар арқылы Ұлы Даланың тарихымен кеңінен мағлұмат алып, танысады. Осы уақыт аралығында Орталыққа он мыңнан астам балалар мен қонақтар келіп тамашалады.

Орталықта Рухани жаңғыру аясындағы түрлі іс-шаралар, кездесулер мен шеберлік сабақтары өткізіліп, оқушылардың таным-түйсігін дамыту, ұлт тарихы, әдебиеті мен мәдениеті, еліміздің қасиетті жерлерін танып түсінуге мүмкіндік алды.

***

 

«Қазақстан - Түркі әлемінің бесігі»

атты қосымша білім беру мекемелері арасында өткен қалалық әдеби-танымдық байқау

 

Елбасының «Рухани жаңғыру» және «Ұлы даланың жеті қыры» бағдарламалық мақалаларында жүктелген міндеттерді жүзеге асыру мақсатында «Түркі әлемінің генесизі» жобасы аясында «Қазақстан - Түркі әлемінің бесігі» байқауы өтті.

Байқаудың мақсаты: «Ұлы даланың жеті қыры» бағдарламалық мақаласында тарихи сананы жаңғыртуға бағытталған ІІ бөліміндегі «Түркі өркениеті: түп тамырынан қазіргі заманға дейін» жобасын өскелең ұрпақ арасында насихаттау арқылы көне түркі халықтарына ортақ туындыларды жаңғырту, Әл-Фараби, Жүсіп Баласағұн, Ахмет Иассауи, Махмұт Қашқари, т.б. тұлғалар шығармашылығын дәріптеу. Оқушы жастарды сөз өнерінің түп-төркіні – түркі әдебиеті мен халық ауыз әдебиетін, ертегі-дастандарды құрметтеуге баулу.

Байқау

  1. «Көне түркі мұрасы» бөлімі.

а) «Түркі әлемінің ғұламалары»

ә) «Жыраулар поэзиясы - Елдік пен Ерліктің айнасы» -

  1. «Ертегі кейіпкерлері».  /Театрландырылған қойылым/
  2. «Ұлы даланың көне сарындары» номинациялары бойынша өтті.

 

***

 

«Парасат-2019» қалалық зияткерлік турнирінің күзгі сериясының финалдық ойындарының нәтижелері

(«Ұлы даланың жеті қыры» бағдарламасындағы «Ұлы даланың ұлы есімдері» мен «Туған жер», «Қасиетті Қазақстан» арнайы жобаларын жүзеге асыру аясында)

 

          21 қараша күні Оқушылар сарайында «Парасат-2019» қалалық зияткерлік турнирінің күзгі сериясының финалдық ойындары өтті. Қазақ тілді командалар арасында 10:00-де, орыс тілді командаларға 15:00-де өткізілген ақтық ойындар нәтижесінде:

Қазақ тілінде өткізілген финалдық кезеңде:

№ 3 мектеп-гимназиясы – ІІІ орын;

№71 мектеп-лицейі - ІІ орын;

№52 мектеп-лицейі – І орын;

«Білім инновация» лицейі – БАС ЖҮЛДЕ иеленді.

Ал орыс тілінде өткен финал нәтижесінде:

№47 мектеп-гимназиясы – ІІІ орын;

№22 мектеп-гимназиясы – ІІ орын;

№75 мектеп-гимназиясы – І орын;

«Білім инновация» лицейі – ГРАН ПРИ жеңіп алды.

 

Үздік ойыншы-2019

Қазақ т.:

  1. Халибеков Бағдат, (52 мектеп-лицейі) 4
  2. Елубаев Қайсар, («Білім инновация» лицейі)
  3. Шүйншбай Аяжан (62 мектеп-лицейі)
  4. Әлихан Дінмұхамед (44 орта мектеп)
  5. Түтінбай Қазбек (4 орта мектеп)
  6. Қуандық Жания (3 мектеп гимназиясы)
  7. Сәлімжан Дильназ (40 мектеп-лицейі)

Орыс т.:

  1. Ерғали Диархан (Білім инновация лицейі) 2
  2. Аскер Дурсунов (Білім инновация лицейі) 2
  3. Семенов Денис (21 школа) 2
  4. Сараев Едиль (шг 6) 3
  5. Дехнич Елизавета (шг 6) 3
  6. Жумабекова Лира (сш 43) 3
  7. Баймуханова Мадина (шг22)

 

«Ұлыларын ұлықтаған ұрпақпыз»

атты іс-шаралар циклінің ашылуы туралы ақпарат

(«Ұлы даланың ұлы есімдері» арнайы жобасы)

 

                     21 қыркүйек күні сағат 10:00-де  нұр-сұлтан қаласы әкімдігінің оқушылар сарайында данышпан ақын, ойшыл, дана, қазақ әдебиетінің шоқтығы биік ірі тұлғасы Абай Құнанбайұлының 175 жылдығына арналған

«Ұлыларын ұлықтаған ұрпақпыз» атты іс-шаралар циклінің ашылуы өтті.

Іс-шараның мақсаты: ҚР Президенті Қасым-Жомарт Тоқаевтың 2020 жылы ғұлама ғалым Әбу Насыр Әл Фарабидің 1150 жылдығы мен Абай Құнанбайұлының 175 жылдық мерейтойларын республикалық деңгейде тойлау туралы Жарлығын іске асыру. Ел Президентінің бастамасын басшылыққа ала отырып ұлы тұлғаларымыздың мерейтойын ауқымды түрде атап өту.

          Шараны Оқушылар сарайының директоры Ербол Ісләмұлы ашып берді.

«Қытай тілі» үйірмесінің оқушысы Орнов Әлішер Абайдың «Көзімнің қарасы» әнін саксофонда ойнап, ел құлағының құрышын қандырса, «Раян» вокалдық тобы «Желсіз түнде жарық-ай» әнін өз нақышына келтіріп, айтып берді.

Іс-шараға «Абай өлеңдерін жатқа оқу» эстафетасын бастап, оны президент Қасым-Жомарт Тоқаевқа жолдаған Ләйлім-Шырақ Ерланқызы және «Жас абайтанушылар» клубының оқушылары жырдан шашу шашты. Жетекшісі- ақын, Қазақстан Жазушылар Одағының мүшесі 

Алмахан Мұхаметқалиқызы.

          Сарайымыздың педагогы, дарынды ақын қыз - Жұлдызай Сқақ жүрегінен шыққан тартуын жиналған жұртқа оқып берді. «Жас қаламгер» үйірмесінің жетекшісі Нүрия Ақбаба домбырамен арнау айтса, шәкірттері мәнерлеп өлең оқып берді. Іс-шараны «Театр» бөлімінің оқушылары Сәрсеғали Нұрай мен Мейірбек Жандәулет жүргізді.

 

***

ӨЛЕҢ СҮЙГЕН ӨРЕНДЕР

(«Туған жер», «Жаһандағы заманауи қазақстандық мәдениет» жобасы аясында арнайы жобаларын жүзеге асыру аясында)

 

Бүгін, 27 сәуір күні Оқушылар сарайында "Өлең және өрен"  атты поэзия кеші өтті. Атаулы шарада "Жас қаламгер" үйірмесінің тәрбиеленушілері Елордамыздағы және Көкшетау, Қарағанды, Кереку қалаларынан келген елімізге белгілі ақындармен бірге сахнада жұптасып өлең оқыды. Жас өрендер ақындардың өлеңін шынайы көңілмен,  бала жүректерімен тамаша жеткізе білді.

 

***

 

ҰЛЫ ДАЛА ТАРИХЫ ЖӘНЕ ЖАМБЫЛ АРТЫҚБАЕВ

«Туған жер», «Қазақстанның киелі географиясы» арнайы жобаларын «Ұлы даланың жеті қыры» бағдарламасын насихаттау аясында)

     Бүгін, яғни 13 ақпан күні Оқушылар сарайының «Астана – Ұлы дала елордасы» жоба орталығының ұйымдастыруымен тарихшы, этнограф, тарих ғылымдарының докторы, профессор Жамбыл Артықбаевпен кездесу отырысы өтті. «Ұлы дала тарихы және Жамбыл Артықбаев» атты танымдық шарада Жамбыл Артықбаев ұлттық тарихымыз туралы кеңінен сыр шертіп, Елбасының «Ұлы даланың жеті қыры» бағдарламалық мақаласы жөнінде ой-пікірімен бөлісті. Шараға қаламыздың елуден аса мектептерінің оқушылары және Жасұландық көшбасшылар, Оқушылар сарайының тәрбиеленушілері қатысты. Жоба орталығының мүшелері Жамбыл Артықбаев еңбектерінен үзінділер оқып, арнау-жырларын жолдады. Кездесу соңында «Астана – Ұлы дала елордасы» жобасының І жартыжылдық қорытындысы бойынша жеңімпаз-жүлдегер атанған мектептер марапатталды.

 

«PARASAT-2019»

қалалық зияткерлік турнирі

(«Ұлы даланың жеті қыры» бағдарламасындағы «Ұлы даланың ұлы есімдері» мен «Туған жер», «Қасиетті Қазақстан» арнайы жобаларын жүзеге асыру аясында)

 

2019 жылдың 25 қаңтар күні Оқушылар сарайының театр залында «Рухани жаңғыру» бағдарламасын қолдау аясында «PARASAT-2019»  қалалық зияткерлік турнирінің финалы өтті. Турнирді өткізудің мақсаты - Астана  қаласы мектептерінің оқушылары арасында зияткерлік қозғалысты дамыту. Турнирге қазақ мектептерінен 54, орыс мектептерінен 17 команда қатысты. Турнир екі кезеңді қамтыды: іріктеу және ақтық кезең. Іріктеу кезеңдері 2019 жылдың 17-22 қаңтар аралығында өтті.  Ақтық кезеңге қазақ мектептерінен: BIL, 72, 40, 76 мектептерінен 4  команда жолдама алды. Ал орыс тілді мектептерден 4 команда өтті: 22, 6, 75, 31. Ойын қорытындысы бойынша финалдық кезеңде төмендегі жеңімпаздар белгілі болды:

Қазақ тілді ойында:

72 мектеп-лицейі – ІІІ орын

Білім-Инновация лицейі – ІІ орын

40 мектеп лицейі – 1 орын

76 мектеп лицейі – Бас жүлде

Орыс тілді ойында:

22 мектеп-гимназиясы – ІІІ орын

31 мектеп – ІІ орын

6 школа-гимназия – Гран-при

Бірнеше сұраққа дұрыс жауап берген 30 қатысушы Үздік ойыншы атанды.

Жүлдегерлер мен жеңімпаздарды құттықтаймыз!

 

 

«ҰЛЫ ДАЛАНЫҢ ЖЕТІ ҚЫРЫ»

(«Ұлы даланың фольклоры мен музыкасының мың жылы»

арнайы жобасы аясында)

 

Бүгін-30 қараша Оқушылар сарайында ҚР Тұңғыш Президенті күні қарсаңында Елбасының "Ұлы даланың жеті қыры" бағдарламалық мақасалы аясында дөңгелек үстел өтті. Атаулы іс-шараға ЕҰУ профессоры, ф.ғ.д, Сағынбай Жұмағұлов пен ҚР Еңбек сіңірген қайраткері, әнші Ерлан Рысқали арнайы келді. Шараның құрметті қонақтары мақала төңірегінде келісті сөз айтып, кеңінен ой толғады. Қала мектептерінің үздік оқушылары мен ұланбасылары қонақтарға ойда жүрген сұрақтарын қойса, Оқушылар сарайының тәрбиеленушілері жақсы сөз сөйлеп, жалынды жырлар оқыды.

 

***

"АБАЙ ӘЛЕМІ" ЖОБАСЫ. "АБАЙДЫҢ ҒИБРАТЫ"

(«Ұлы даланың ұлы есімдері» арнайы жобасы аясында)

 

Оқушылар сарайында "Абай әлемі" жобасы аясында "Абайдың ғибраты" байқауы өтті.

Байқаудың ерекшелігі балалар Абайдың Қара сөздерін білуден сайысады.
Бірінші кезеңде жатқа білуге міндетті іріктелген 9 қара сөзден бәсекеге түседі. Олар - 7, 18, 19, 20, 21, 29, 31, 36, 37.

Екінші кезеңде кез келген қара сөз бойынша сұрақтар беріледі, бала жалпы мазмұнын білуі тиісті.

5-7 сыныптар арасында
Бас жүлде -
Рымғалиева Малика 77 мг
Тойғанбек Динара 40 мл

І орын - Ибрагим Әмина 86 мг
ІІ орын - Таратанов Алан 13 ом
ІІІ орын -Нұрлыбекқызы Айна 76 мл
ІІІ орын -Досмағамбетова Алуа 69 мг

8-11 сыныптар арасында
Бас жүлде:
Асылханова Аяулым - 53 мл

І орын - Рахматулла Жұлдыз 15 мл
ІІ орын - Түгелбай Нұрдәулет - 9 Зерде м
ІІ орын Бектилла Дамира Нұржанқызы 16 мл

ІІІ орын - Акимова Эльмира 21 ом
ІІІ орын - Қуанышева Назира 18 ом

***

"I - BALA" ОҚУШЫЛАР мен ЖАСӨСПІРІМДЕР ТЕАТРЫ

(«Жаһандағы заманауи қазақстандық мәдениет» жобасы аясында)

 

Биылғы Жастар жылына орай Оқушылар сарайының ұсынған алғашқы жобасы Жасөспірімдер театрын ашу еді. "ЖасҰлан" ұйымы көшбасшыларымен бірлесе отырып қала мектептерінен 300-ге жуық оқушы кастингке қатысты. Ірктеуден өткен оқушылар "I - BALA" театрының негізін құрады.
Театр алғашқы қойылымын Хугаевтың "Қара шекпен" спектаклімен ашты. Философиялық мәні зор әфсанада адамдар өміріндегі күрделі іс-әрекетті жануарлар дүниесімен шендестіріп көрсетіледі.

Қоғамда кездесетін ТОЙЫМСЫЗДЫҚ. САТҚЫНДЫҚ. ЖАҒЫМПАЗДЫҚ. ҚАТЫГЕЗДІК. ЕКІЖҮЗДІЛІК. АЛДАУ-АРБАУ т.б. жағымсыз қасиеттер жануарлар әлемі арқылы беріледі.

Театрдың жас әртістері өзедеріне берілген рөлдерді жақсы сомдап, кейіпкерлер әлемін аша білді.

Театрдың жетекшісі әрі режиссері Төкенов Берікхан.

 

ҚАЗАҚТЫҢ ЖЫР-АҢЫЗДАРЫ КОМИКС ЖАНРЫНДА

«Ұлы дала фольклоры мен музыкасының мың жылы»

арнайы жобасы аясында)

"Рухани жаңғыру" бағдарламасы аясында Әл Фараби атындағы Оқушылар сарайы Бейнелеу өнері бөлімінің ұйымдастыруымен "Қазақтың жыр-аңыздары комикс жанрында" тақырыбында байқау болып өтті.
Комикс жанрының ерекшелігі - бір беттегі сурет арқылы үлкен аңыздың мазмұнын аша білуінде.

Балалар Қазақтың жыр-аңыздарын оқып, түсініп, оны бейнелеу өнері арқылы көрсете білді!

Байқаудың бас жүлдесін №3 мектеп-гимназия оқушысы Мартемьянова Элина иеленді. Ол "Жезтырнақ" ертегісін Комикс жанрында бейнеледі. Элина қазақ тілінде еркін сөйлейді екен!

***

ӘЛ ФАРАБИ МҰРАСЫ - ҰЛТ ҚАЗЫНАСЫ

«Ұлы даланың ұлы есімдері» жобасын жүзеге асыру аясында

 

ҚР Үкіметінің 2020 жылғы 6 ақпандағы 44 қаулысымен Оқушылар сарайына ғұлама ғалым Әбу Насыр әл Фарабидің есімі берілген болатын.
Осыған орай ҚР Ұлттық академиялық кітапханасының "Әл Фараби мұрасы - Ұлт қазынасы" тақырыбында көшпелі көрмесінің ашылу салтанаты өтті.
Оқушылар мен ата-аналар Әл Фарбидің өмірімен танысып, ғұлама ғалымға байланысты шыққан кітаптарды көру мүмкіндігіне ие болады. Көрмеге Әл Фарабиге байланысты 50-ден астам кітаптар қойылған.
            Көрмені ұйымдастыруға қолдау көрсеткен Академиялық кітапхананың директоры Үмітхан Дәуренбекқызына алғыс білдіреміз.

***

ҚАЗАҚ КҮРЕСІ - ҰЛТТЫҚ РУХ БАСТАУЫ

(«Жаһандағы заманауи қазақстандық мәдениет» жобасы аясында)

Әл Фараби атындағы оқушылар сарайында Қазақ күресінен Жасөспірімдер арасында Оқушылар сарайының жүлдесі үшін ашық біріншілік өтті.
Турнирге 2006 - 2007; 2008-2009; 2010-2011 жылы туған балалар қатыстып, алты салмақ дәрежесінде сынға түсті.

Жарысқа 17 мектептен 180 жасөспірім қатысты.

Балаларды дайындаған жаттықтырушыларға рақмет айтамыз!

 

ОҚУШЫЛАР САРАЙЫНЫҢ «МЕНІҢ ЕЛІМ!» («МОЯ РОДИНА») АҚПАРАТТЫҚ-ВИРТУАЛДЫ ОРТАЛЫҒЫ
 
«Менің елім» ақпараттық-виртуалды орталығы 2019 жылғы 17 мамырда ашылды. Бұл «Рухани жаңғыру» бағдарламасы мен «Ұлы даланың жеті қыры» бағдарламалық мақаласын жүзеге асыру аясындағы жаңа жоба.
Мақсаты: балалар мен жасөспірімдерді «Мәңгілік Ел» жалпыұлттық патриоттық идеясы мен «Рухани жаңғыру» ұлттық бағдарламасы рухында тәрбиелеу.
Оқушылар сарайының «МЕНІҢ ЕЛІМ!» ақпараттық-виртуалды орталығы «Мәңгілік Ел», «Рухани жаңғыру», «Ұлы даланың жеті қыры», «Қазақстанның киелі жерлері» - «Қасиетті Қазақстан» картасы, «Абай әлемі», «Қазақ басылымдары» - «Казахские издания», «Менің кәсібім» бөлімдерінен тұрады.
Бұл орталыққа елорда мектептерінің ниет білдірген барлық оқушылары мен қала қонақтары келе алады. Мұнда олар Қазақстанның даму тарихынан қызықтыратын ақпаратты ала алады. Барлық ақпарат виртуалды көзілдіріктер, смартфондар және т. б. қолданылатын қазіргі заманғы ақпараттық технологиялар форматында берілген.
Контенттердің мазмұнды толтырылуының өскелең ұрпақ үшін үлкен тәрбиелік маңызы бар, себебі ол тарихи фактілерге негізделген, қазақ даласының батырларын үлгі қылып, балалар мен жасөспірімдерді тәрбиелеуге мүмкіндік береді, шынайы патриотизм мен ел үшін мақтаныш сезімін тәрбиелеуге ықпал етеді және қазақ халқының генетикалық коды мен оның әлемдік мәдени мұраны дамытуға қосқан елеулі үлесін ешқашан ұмытпауға мүмкіндік береді.
 
«Мәңгілік Ел» бөлімі
«Мәңгілік ел» идеясын іске асыру аясында қазақ халқының тарихи дамуында маңызды мәні бар мәселелерді - ұлтты, жерді сақтау, Отанын қорғау, өскелең ұрпақты патриотизмге тәрбиелеу бойынша үлкен тәрбиелік жұмыс жүргізілуі тиіс.
«Мәңгілік Ел» бөлімінде ұлттық идея аясында танымдық сабақтар өткізіліп, мектеп оқушылары кез-келген кітапхана қорларынан кітаптарды оқып, пайдалана алады.
 
«Рухани жаңғыру» - «Духовное возрождение» бөлімі
«Рухани жаңғыру» орталығының бөлімінде Н. Назарбаевтың өмірі мен қызметі туралы бейнефильмдер мен деректі фильмдер жинақталған, сондай-ақ Елбасының «Болашаққа бағдар: рухани жаңғыру» - «Ориентация на будущее: духовное возрождение» бағдарламалық мақаласының материалдары бар.
Жоғарыда аталған жобалар шеңберінде қала мектептерінің оқушылары үшін түрлі іс-шаралар, кездесулер және тақырыптық сабақтар өткізіледі.
 
«Ұлы даланың жеті қыры» бөлімі
Бұл бөлімде Елбасы Нұрсұлтан Әбішұлы Назарбаевтың 2018 жылы жарияланған «Ұлы даланың жеті қыры» атты мақаласында қамтылған қазақ даласының жеті ерекшелігі атап өтілген. Олар - «Алтын адам», «Аң стилі», «Ежелгі металлургия», «Атқа міну мәдениеті», «Қазақстан - алма мен қызғалдақтың отаны», «Ұлы Жібек жолы» және «Түркі әлемінің бесігі». Виртуалды көзілдірік арқылы келуші әр тақырып бойынша бейнематериалдарды ала алады.
 
«Қазақстанның киелі жерлері» бөлімі
Бұл бөлімде смартфонда арнайы орнатылған бағдарлама арқылы рухани символдар мен тарихи ескерткіштер туралы ақпарат алуға болады. Картада Қазақстанның киелі жерлері көрсетілген.
 
«3D форматындағы Қазақстан картасы»
Экранда 3D форматында Қазақстан Республикасының барлық облыстары көрсетіледі. Мұнда еліміздің әр өңірінің тарихи орындары мен көрнекі жерлерімен танысуға болады. Оқушылар үшін танымдық іс-шаралар өткізіледі.
Арнайы орнатылған бағдарламасы бар смартфонды тарихи ескерткішке жақындатқанда, келуші ақпараттық бейнематериалмен таныса алады. Виртуалды көзілдірік экраны арқылы Қазақстан аумағында орналасқан әрбір көрнекі жер – киелі орын туралы ақпарат алуға болады. Айналмалы қабырғада киелі жерлердің әдемі картиналарын көруге болады, мысалы, Ахмет Яссауи кесенесінің ішіне саяхат жасауға болады.
«Абай әлемі» - «Мир Абая» бөлімі
«Рухани жаңғыру» бағдарламасын жүзеге асыру және ұлттық мәдени мұра негізінде, ұлы қазақ философы, ағартушы және жазушы Абай шығармашылығына деген қызығушылықты жандандыру негізінде оқушыларды рухани-адамгершілік тәрбиелеу аясында орталықта «Абай әлемі» бөлімі бар.
2019 жылдың басында Оқушылар сарайында қалалық байқау өтті. Байқау үш кезеңнен тұрады: «Абайдың ғибраты» (Абайдың Қара сөздері), «Әнді сүйсең менше сүй» (Абай әндері) және «Талаптың мініп тұлпарын» (Абай әлеміндегі бейнелеу өнері). Бұл байқауда оқушылар Абайдың өлеңдері мен қара сөздерін оқып, олардың мағынасын түсінуге үйренеді.
 
«Қазақ басылымдары» - «Казахские издания» бөлімі
Бөлімде келушілер көне қазақ басылымдары: газеттер, журналдар, Алаш Орданың қызметі туралы тарихи ақпаратты біле алады, сондай-ақ бұл бөлімде Қазақ даласының ұлы қайраткерлерінің сөздері мен афоризмдері бейнеленген.
 
«Менің кәсібім» бөлімі
Келесі бөлім: «Менің кәсібім» виртуалды бөлімі. Оқушылар сарайында балалар мектептегі сабақтан бос уақытын өткізіп қана қоймай, «Менің кәсібім» бөлімінде кәсіптік бағдар алады. Бұл бөлімде де виртуалды көзілдірікті пайдалану қажет.